Þjónustan
Mikið er lagt upp úr að sérsníða þá þjónustu sem boðið er upp á að ykkar þörfum. Hér að neðan má finna nokkur atriði sem hægt er að fá aðstoð við. Athugið að listinn er alls ekki tæmandi – endilega hafið samband ef þið hafið sérstakar óskir.
Startfundur:
Aðstoð við að koma sér á rétta braut í skipulagningunni. Farið yfir punktana á gátlistanum, í hvaða tímaröð sé best að gera hlutina, aðstoð við útfærslur á þema- eða skreytingarhugmyndum… Sú aðstoð sem þarf til að koma ykkur á rétta sporið í undirbúningnum.
Eftirfylgni:
Hentugt er að bóka tíma í eftirfylgni eftir startfundinn til að halda sér á réttu brautinni, fara yfir hvað er búið og hvað er eftir í undirbúningnum.
Skipulagsgátlisti:
Óskið þið eftir eingöngu að fá sendan óútfylltan gátlista er það hægt gegn vægu gjaldi.
Forgangsröðun:
Ráðleggingar varðandi hvaða hluti sé best að gera hvenær, og/eða ráðleggingar hvernig brúðkaups“budgetinu“ sé best varið.
Sérsniðið hugmyndaborð/myndabanki:
Eftir stutt spjall þar sem farið er yfir helstu lykilorð varðandi brúðkaupið bý ég til sérsniðið hugmyndaborð á Pinterest fyrir brúðkaupið ykkar. Þetta hugmyndaborð getið þið svo haldið áfram að bæta á og vinna með – frábær grunnur til að móta þema og fá innblástur.
Hjálp við val á fagaðilum:
Ráðleggingar varðandi val á sal, ljósmyndara, blómaskreyti eða hverju sem er – allt út frá ykkar óskum og þörfum.
Aðstoð við netpantanir:
Margir eru óöruggir þegar kemur að því að panta á netinu. Leyfið mér að hjálpa ykkur í gegnum pantanaferlið.
Aðstoð við val og skipulagningu á skreytingum:
Ég get aðstoðað við að finna skreytingar sem falla fullkomlega að ykkar þema og/eða litavali, ásamt því að ráðleggja um uppsetningu á skreytingum, borðbúnaði og öðru sem fegrar veislusalinn, kirkjuna eða athafnarstaðinn.
Tímaplan fyrir stóra daginn:
Aðstoð við gerð tímalínu svo allt gangi snuðrulaust fyrir sig.
Aðstoð á stóra deginum:
„Verkstjórn“ á brúðkaupsdaginn – svo allir séu á réttum stað á réttum tíma og allt gangi sem best.